15.2 C
Pristina
E martë, 20 Tetor, 2020

Nis procesi për “Autostradën e Paqes” Prishtinë – Nish

Korporata Financiare për Zhvillim Ndërkombëtar në Shtetet e Bashkuara të Amerikës (DFC) ka nënshkruar letrat e interesit bashkë me Bankën për Eksport-Import (EXIM) për të nisur procedurat për ndërtimin e autostradës që pritet të lidhë Kosovën dhe Serbinë.

Nënshkrimi vjen pak ditë pas marrëveshjes për normalizim ekonomik që dy shtetet nënshkruan në Shtëpinë e Bardhë në Washington. Në një njoftim zyrtar të DFC-së marrëveshja është cilësuar historike. Ky institucion e ka quajtur Autostradë të Paqes, rrugën që planifikohet të lidhë Prishtinën dhe Nishin.

Sipas njoftimit zyrtar, projekti që do të lidhë këto dy vende ka qenë pikë kyçe në bisedat për normalizim mes dy shteteve.

“Autostrada e Paqes do të nxisë zhvillimin ekonomik dhe integrimin rajonal duke lidhur Nishin me Prishtinën. Po ashtu do të shërbejë si simbol i fuqishëm i raporteve të reja, të transformuara mes dy shteteve fqinje”, ka thënë kreu i DFC-së, Adam Boehler.

“Autostrada e Paqes është hap i rëndësishëm drejt bashkëpunimit ekonomik mes Beogradit dhe Prishtinës dhe unë e vlerësoj punën e presidentit Trump dhe të gjithë administratës në këtë marrëveshje historike”, ka thënë Kimberly A.Reed, kryeshefe e EXIM-it. Ajo është shprehur se institucioni që udhëheq është i përkushtuar të përkrahë projektet që avancojnë zhvillimin ekonomik dhe punësimin në rajon.

Kryeministri i Kosovës, Avdullah Hoti, e ka komentuar nënshkrimin e sotëm.

“Lajm i mirë drejt përmbushjes së marrëveshjes për normalizim ekonomik të nënshkruar në Shtëpinë e Bardhë. Projekti do të lidhë Nishin dhe Prishtinën”, ka shkruar ai në Twitter.

Sipas njoftimit, SHBA-ja planifikon të dërgojë delegacione në Kosovë dhe Serbi më vonë gjatë muajit për të avancuar punën në Autostradën e Paqes dhe projekte tjera. Është thënë se DFC-ja do të nisë punën edhe për hapjen e zyrës së saj të parë në rajon.

“Prezenca e përhershme e DFC-së në Beograd do të lehtësojë implementimin e projekteve prioritare sikur Autostrada e Paqes që do të përkrahë krijimin e vendeve të punës dhe rritjen ekonomike në rajon”, thuhet në njoftim.

Letrat e nënshkruara sot s’janë obligative dhe do të pasohen nga mbikëqyrja e standardeve që do të kryhet nga të dy agjencitë para se të ketë zotim zyrtar për financim.

Të fundit

Plisi, një histori

Plisi ia jep shkëlqimin paraqitjes së shqiptarit. Në paqe e në luftë. Në zi e në festë. Është simboli i krenarisë personale e kombëtare. Bartësi...

Hapave – Selajdin Gashi

Hapave Të tu gjithnjë kam ecur Ku shputat tua linin gjurmo I sigurtë shkelja me nxitim Koha të mos na ikën; të na vijo pas Fjala jote e buto,...

Salih Mustafa, Hysni Gucati e Nasim Haradinaj 3 të parët të arrestuar nga Specialja

Gjykata Speciale ka nisur arrestimet në Kosovë. Ish-shefi i inteligjencës së FSK-së, Salih Mustafa është personi i parë i arrestuar nga Specialja. Ai u arrestua ditën...

Flet Shkurte Fejza: Është ndezur drita e kuqe për muzikën popullore, po luftohet pamëshirshëm nga diankë dhe injorantë

Emri dhe zëri i saj është i njohur në gjithë shqiptarinë. Me të drejtë quhet bilbili i këngës shqipe. Me zërin e saj dhe...

Të tjera nga rubrika

Plisi, një histori

Plisi ia jep shkëlqimin paraqitjes së shqiptarit. Në paqe e në luftë. Në zi e në festë. Është simboli i krenarisë personale e kombëtare. Bartësi...

Hapave – Selajdin Gashi

Hapave Të tu gjithnjë kam ecur Ku shputat tua linin gjurmo I sigurtë shkelja me nxitim Koha të mos na ikën; të na vijo pas Fjala jote e buto,...

Salih Mustafa, Hysni Gucati e Nasim Haradinaj 3 të parët të arrestuar nga Specialja

Gjykata Speciale ka nisur arrestimet në Kosovë. Ish-shefi i inteligjencës së FSK-së, Salih Mustafa është personi i parë i arrestuar nga Specialja. Ai u arrestua ditën...

Flet Shkurte Fejza: Është ndezur drita e kuqe për muzikën popullore, po luftohet pamëshirshëm nga diankë dhe injorantë

Emri dhe zëri i saj është i njohur në gjithë shqiptarinë. Me të drejtë quhet bilbili i këngës shqipe. Me zërin e saj dhe...